Ja si e ndryshoi dëshminë nëna “mostër” për përdhunimin e vajzës së saj

Pas denoncimit të vajzës 12 –vjeçare se njerku i saj ka abuzuar seksualisht disa herë ndaj saj madje edhe në sy të nënës së saj, kjo e fundit pasi e pranoi ngjarjen e rëndë, tani e mohon.E braktisur nga familja dhe me një fytyrë të zbehtë, nëna “monster”, mohoi deklaratat që kishte dhënë më parë. Para medias ajo tha se nuk kishte dijeni për çfarë bëhej fjalë dhe nuk e dinte pse ishte arrestuar. Selvie Yzeiraj ka hedhur poshtë pretendimin se ka pasur informacion mbi akuzat që e bija ka bërë për të dhe bashkëjetuesin.
“Nuk e di pse po më mbajnë këtu. Nuk jam në dijeni të asgjëje. ..Ju lutem mos më pyesni, sepse s’di asgjë çfarë ka thënë vajza”, ka deklaruar midis të tjerash gruaja e akuzuar për abuzim seksual me të
mitur.
Gjatë marrjes në pyetje Selvie Yzeiraj ka pohuar se kishte pasur dijeni mbi abuzimin që i bëhej së bijës nga bashkëjetuesi i saj, e madje e kishte parë me sytë e saj këtë të fundit tek kryente marrëdhënie, por sipas të njëjtave burime, nuk kishte treguar për shkak se vajzës i dilnin fjalë.
Ajo ka nisur të ndryshojë qëndrim fill pasi hetuesit ia kanë komunikuar se kjo ishte një vepër penale që nuk rëndonte vetëm të dashurin me të cilin bashkëjetonte prej 6 vitesh, por edhe atë si bashkëpunëtore në këtë akt të rëndë. Kur hetimi i ka rrëfyer pasojat e përballjes me drejtësinë, 40-vjeçarja ka ndërprerë rrëfimin, duke deklaruar se nuk pranon të flasë më për këtë çështje.
Ishit në dijeni që vajza abuzohej nga burri juaj?
Jo nuk isha dhe nuk dua të flas për këtë temë. Nuk di nga i nxorët gjithë këto…
Keni pranuar për hetimin se e keni parë vajzën duke u abuzuar? Pse s’keni reaguar?
Nuk flas për një gjë që s’e di. Mos më shqetësoni.
Si sillej burri juaj me vajzën?
Unë nuk di asgjë dhe nuk di pse më kanë arrestuar. Nuk di pse po më mbajnë këtu kaq gjatë.
Vajza juaj ju ka akuzuar se e dinit që bashkëshorti e kish përdhunuar dhe asnjëherë s’e keni mbrojtur…
Nuk e di çfarë ka thënë vajza ime në polici. Unë s’kam parë asnjë. Më lini.