Ish-lojtari i Juventusit, Andrea Pirlo, mendon se klubi bardhezi veproi mirë që shiti yllin Paul Pogba te Manchester United. Francezi u transferua në “Old Trafford” për shumën rekord prej rreth 110 milionë eurosh.
“Shitja e Pogba-së ishte zgjedhja e duhur, kur sheh lojtarët të cilët u transferuan. Pas një merkatoje si kjo, mendoj se Juventusi tani është i ndërtuar për të fituar gjithçka. Duke parë nga jashtë, kampionati italian nuk është edhe aq i keq, por merkatoja tregoi se Juventusi është mbi të gjithë. Është si kampionati francez. Juventusi është në një kompeticion tjetër. Të paktën, kështu duket bazuar te merkatoja. Ata janë si PSG-ja“, – u shpreh ish-mesfushori i kombëtares italiane nga SHBA.
