Gjykata e Fierit ka dhënë burg pa afat për nënën e vajzës së mitur, të abuzuar nga partneri i saj.
Gjatë seancës, shtetasja Selvie Yzeiraj fillimisht ka mohuar akuzat përpara kamerave, por ka heshtur pasi është këshilluar nga avokati i saj.
Ndërkohë, për partnerin e saj, shtetasin Ilmi Hoxha, do të rëndojnë akuzat më të rënda, konkretisht ajo e “abuzimit me të mitur” dhe “përdorim narkotikësh”.
Gjatë seancës, Hoxha ka deklaruar se ato çka janë thënë në media janë të pavërteta. “Gjërat që janë thënë në media jo të vërteta. Jam konfuz,”, ka deklaruar ai.
Vajza 12 vjeçe e Selvie Yzeirajt e denoncoi javën e kaluar në polici dhunimin të cilit i nënshtrohej nga njerku i saj. Nga hetimet rezulton se, nëna e saj ka qenë e arrestuar disa muaj më parë në Durrës për ushtrim prostitucioni.
