Ka rinisur procesi i numërmit pas një ndërpreje prej 6 orësh. Deri më tani kur janë numëruar vetëm 47 kuti nga 118 të tilla, kandidati i PS për Bashkinë e Dibrës, Muharrem Rama, ka thelluar rezultatin.
Ai kryeson me 1786 vota kundrejt Sherefedin Shehut të PD. Rama ka qenë fitues në të gjitha kutitë e numëruara deri tani.
Deri tani Rama ka fituar thellë edhe në zona që konsideroheshin bastion i së djathtës, si Selishtë e Maqëllarë. Ai kryeson edhe në qytetin e Peshkopisë, në kutitë e para që janë hapur. Votimi u ndërpre në orën 4.40 minuta si pasojë e lodhjes së numëruesve. Sipas KQZ, pritet që procesi të përfundojë brenda ditës së sotme.
