Koreja e Veriut zakonisht e projekton veten para botës si një parajsë ku çdo gjë shkon më se mirë, por tashmë kjo a ndryshuar. Pas përmbytjeve të rënda në Verilindje të vendit, Kim Jong-ut i është dashur të pranojë në një deklaratë të rrallë për shtyp se, situata në vend nuk është edhe aq “mirë”.
Sipas një deklarate të botuar të dielën nga agjencia koreane e Lajmeve Qendrore (KCNA), media zyrtare të Koresë së Veriut e shtetit, verilindja e vendit ka qenë e prekur nga përmbytjet më të rënda që nga viti 1945.
Më shumë se 130 persona kanë humbur jetën dhe 400 të tjerë rezultojnë të zhdukur në Korenë e Veriut pasi tajfuni “Lionrock” shkaktoi përmbytje serioze, sipas një njoftimi të OKB-së.
“Përmbytjet në verilindje të vendit përgjatë lumit Tumen, në kufi me Kinën, kanë provokuar shpërnguljen e mijëra personave, kanë shkatërruar qindra shtëpi dhe ndërtesa infrastrukturore”,- theksoi raporti i organizatës.
“Të paktën 140 mijë persona janë në nevoja urgjente ndihme. Nga këta 100 mijë janë shpërngulur”,- thuhet në raportin e OKB-së, të dhënat e të cilit janë konfirmuar nga Pheniani.
“Ndërkohë 600 mijë persona janë prekur nga ndërprerja e ujit”,- shtohej në të. Tajfuni “Lionrock” shkaktoi 19 viktima dhe kaos edhe në Japoni, në fund të gushtit.
