Gjarpërinjtë janë ndër kafshët më të frikshme në botë, por nuk mendon kështu menaxheri i një kopshti zoologjik në Filipine. Giovanni Romarate ka ndërmarrë një nismë sa kurioze aq dhe drithëruese për të fituar të ardhura të konsiderueshme financiare.
Ai ka grumbulluar rreth vetes katër gjarpërinj të mëdhenj dhe përveç faktit që vizitorët mund t’i shohin nga afër, ata mund të përfitojnë edhe… masazh prej tyre.
Njerëzit do të mund të shijojnë 15 minuta relaks, por edhe frikë njëkohësisht.
“Ne e kemi ndryshuar kopshtin dhe e kemi bërë një kopsht interaktiv. Të gjithë mund ta kenë shansin që të masazhohen nga gjarpërinjtë që i kemi këtu”, tha ai.
Masazhi bëhet nga katër gjarpërinj. Para masazhit, secili nga gjarpërinjtë ushqehen me dhjetë pula kështu që të mos kenë uri gjatë masazhit e të mos i sulmojnë klientët. Ata që duan t’i nënshtrohen këtij masazhi udhëzohen me instruksione të sigurisë para se të futen brenda.
