Policia e Shtetit ka dhënë një njoftim zyrtar në lidhje me ecurinë e procesit zgjedhor në Dibër, e konkretisht me dorëzimin e materialeve zgjedhore në KZAZ-në numër 19 ku do të bëhet edhe numërimi i votave.
“Nga të gjitha qendrat e votimit të 15 Njësive Administrative të Bashkisë Dibër, komisionerët të shoqëruar nga punonjës policie janë nisur për të dorëzuar materialet zgjedhore në VNV.
Deri tani kanë mbërritur pranë VNV dhe presin radhën për të dorëzuar materialet zgjedhore të qendrave të votimit të 14 Njësive Administrative. Gjithsej kanë mbërritur materialet zgjedhore te 115 qendrave të votimit nga 118 gjithsej.
Materialet zgjedhore të qendrave të votimit të njësisë Administrative Lurë janë rrugës duke ardhur”, thuhet në njoftimin e policisë.
