Deputeti demokrat Flamur Noka ka hedhur poshtë akuzat se ka goditur me pistoletë një qytetar dibran.
Sipas tij, këto akuza janë shpifje nga kreu i Policisë së Dibrës, të cilin e ka akuzuar për parcelat me hashash.
“Asgjë nga kjo ngjarje nuk është e vërtetë. Janë shpifje të segmenteve kriminale të Policisë së Dibrës, që janë marrë me blerje votash. Ky grup drejtohet nga Bled Aga, që është pronar i disa parcelave me drogë e tani po inskenojnë sajesa me qytetarë”, tha Noka.
I pyetur për faktin se deklarata e policisë së Dibrës jep të dhëna për targën e makinës së tij, ndodhur në vendin ku ndodhi incidenti, Noka tha se “makina ime qarkullon gjatë gjithë kohës dhe unë nuk jam ndonjë njeri sekret. Unë po lëviz kudo për të kontribuar në fitoren e Sherefedin Shehut këtu.”
