Serbia nuk i ka mirëpritur deklaratat e “vëllait të madh” rus për Kosovën.
“Zemërgjerësia: Presidenti rus u dërgoi një sinjal Perëndimit: Na jepni Krimenë dhe mund të mbani Kosovën,” shkruan gazeta serbe “Blic”
Presidenti rus Vladimir Putin akuzoi Perëndimin në një intervistë me agjencinë Bloomberg, duke thënë se në rastin e Kosovës është përdorur e drejta e vetëvendosjes, kurse në rastin e Krimesë nuk po lejohet diçka e tillë.
Diplomati serb, Ninosllav Stojadinoviç duke folur për këtë çështje tha se Rusia nuk shqetësohet më për Serbinë, por vetëm për interesat e saj.
Por revista gjermane, Focus, thotë se megjithatë rasti i Kosovës dhe ai i Krimesë ndryshojnë ndjeshëm. “Në Kosovë janë dëbuar qindra-mijëra shqiptarë përmes kërcënimeve dhe vrasjeve”, shkruan revista.
