Ekipi i Flamurtarit ka marrë një vendim tepër të rrallë që do të gëzojë çdo tifoz.
Tani e tutje, tifozët vlonjatë do të hyjnë falas në stadium për gjithë sezonin për ndeshjet në shtëpi.
Ky është vendimi i marrë nga klubi, që e ka konfirmuar nëpërmjet faqes zyrtare.
“Presidenca e Flamurtarit ka marrë vendimin që për ndeshjet brenda në stadiumin “Flamurtari”, me biletë do të jetë hyrja vetëm në tribunën qendrore. Tribunat A-B-C do të jenë falas për të gjithë sezonin 2016-2017”, shkruhet në njoftim.
Pas humbjes me Skënderbeun, sot Flamurtari pret Luftëtarin në shtëpi.
