Duke filluar nga 11 Shtatori kushdo që nuk vendos rripin e sigurimit dhe mban fëmijën të pafiksuar me mjetet e nevojshme apo në vendin e parë, rrezikon të marrë një gjobë dhjetëfish më të lartë, deri në 15 mijë lekë, ndryshe nga sa ka qenë më parë.
Në zbatim të nenit 170 të Kodit Rrugor, Policia Rrugore do të ndërmarrë edhe masa plotësuese me pezullim të lejes së drejtimit nga 6 muaj deri në një vit për ata drejtues automjetesh, që nuk zbatojnë Kodin Rrugor.
