Dy thasë me kanabis sativa janë gjentur nga policia e Fierit si dhe janë shpallur në kërkim dy persona.
Nga kontrolli i ushtruar ditën e djeshme në fshatin Çerven, në stanin e Sh.L., 46 vjeç, u gjetën dhe sekuestruan 13 kg e 340 gram lëndë narkotike kanabis sativa, e futur në dy thasë të mbështjellë me letër natribani. Gjithashtu u gjetën dhe asgjësuan 92 bimë narkotike të mbjella pranë stanit.
Në vijim na kontrolli i ushtruar në Pojan në banesën e Z.B. 46 vjeç, u gjetën dhe sekuestruan 52 kg e 660 gramë lëndë narkotike e llojit kanabis sativa. Gjithashtu në kopshtin pranë shtëpisë së tij u gjetën të mbjella 51 bimë narkotike të kanabis sativa.
Policia ka shpallur në kërkim të dy të dyshuarit dhe po punon për kapjen e tyre. Ndërkohë materialet i kaluan Prokurorisë së Fierit për ndjekje të mëtejshme lidhur me veprat penale “Prodhim dhe shitje e narkotikëve” dhe “Kultivimi i bimëve narkotike”
