Kryetari i Kuvendit Ilir Meta u shpreh se deputeti i qarkut të Dibrës Përparim Spahiu është falur për deklaratat e tij pasi ka votuar për reformën në drejtësi.
Në një intervistë për “Top Story”, Meta pohoi se Spahiu është rikthyer sërish në Lëvizjen Socialiste për Integrim.
“Ai votoi reformën në drejtësi, besoj se deklaratat e tij në të kaluarën nuk kanë më vlerë. Megjithatë mbetet në dorën e kryetarit të grupit parlamentar për këtë gjë.”– u shpreh Meta.
Në fund të qershorit grupi Parlamentar i LSI-së vendosi në një mbledhje të zhvilluar jashtë rradhës përjashtimin e deputetit të Dibrës, Përparim Spahiu. Ai kishte shkruar në Tëitter se ishte kundër monitorimit të procesit të vetingut nga nëdrkombëtarët.
“E kuptoj dhe jam dakord që sovranitetin e vendit tonë të përbashkët duhet ta ndajmë me NATO, me Komisionin Europian dhe shpresoj edhe me Bashkimin Europian. Por nuk jam gati të votoj ndarjen e sovranitetit me Operacionin Ndërkombëtar të Monitorimit. Cfarë përfaqësojnë këta?!” – u shpreh Spahiu në një shkrim te tijin.
Nga Boldnews.al
