Një furgon është përplasur me një çiklomotor, duke shkaktuar vdekjen e një shtetasi. Ngjarja ka ndodhur mbrëmjen e sotme (8 shtator) në aksin rrugor Laç-Mamurras.
“Mjeti furgon me targë LA 3542 A që drejtohej nga shtetasi Vasfi Kërtulla , 47 vjeç, banues në Laç, është përplasur me mjetin çiklomotorr që drejtohej nga shtetasi Zamir Tuga, 23 vjeç, banues në Gjormë – Kurbin.
Si pasojë ka mbetur i dëmtuar drejtuesi i çiklomotorrit shtetasi Zamir Tuga i cili u dërgua në Qendrën e Traumave Tiranë, për ndihmën e nevojshme mjekësore ku më pas ka ndërruar jetë”, sqaron policia lokale.
Drejtuesi i mjetit furgon, shtetasi Vasfi Kërtulla është shoqëruar në Komisariatin e Policisë Kurbin për proçedurat e mëtejshme të arrestimit. Grupi hetimor në vendngjarje për zbardhjen e plotë të shkaqeve të aksidentit.
