Qytetarët shkodranë e kanë të pamundur të harrojnë skenën mes Kryeministrit Edi Rama dhe kryebashkiakes së Shkodrës Voltana Ademi disa ditë më parë, kur kreu i Qeverisë i kërkonte Ademit që të shembte disa ndërtesa pas stadiumit të rikonstruktuar të “Loro Boriçit”.
Në prag të ndeshjes së sotme mes Shqipërisë dhe Maqedonisë në stadiumin e Shkodrës, disa qytetarë kanë dalë në protestë me parrulla në duar duke i kërkuar Kryeministrit Edi Rama që të “mbajë duart larg nga Shkodra”.
Të paktën kështu shkruhet në mesazhin e tyre, që duket se është një “non grata” për Edi Ramën në Shkodër.
Sjellja e tij me kryebashkiaken Ademi dhe veprimi me një gazetar shkodran që e korrigjonte se si të fliste, ka bërë që banorët e qytetit verior të revoltohen dhe të shprehin hapur pakënaqësinë që kanë ndaj Edi Ramës.
