Ndonëse është ende herët për të vendosur, kreu i LSI-së, Ilir Meta, e shmangu një përgjigje të drejtpërdrejtë nëse do të ketë koalicion parazgjedhor me PS-në në zgjedhjet e ardhshme parlamentare.
I pyetur nga gazetarët në përfundim të seancës hapëse të sesionit të ri të Kuvendit, Meta u shmang duke thënë se ka ende nevojë për refletim për mënyrën e funksionimit të koalicionit PS-LSI.
Zëra të shumtë thonë se LSI do të dalë e vetme në zgjedhjet e ardhshme, ndërsa për koalicionet do të vendoset pas daljes së rezultateve.
Sidoqoftë deri atëherë është ende herët dhe se marrëdhënia mes dy “vëllezërve armiq” të së majtës ka shumë të papritura.
