Raportuesja për Kosovën në Parlamentin Evropian, Tanja Fajon megjithatë ka bërë ditur se Komiteti për Drejtësi, Liritë Civile dhe Punë të Brendshme ka aprovuar raportin për heqjen e vizave për Kosovën.
25 vota kanë qenë për, 24 kundër dhe 2 kanë abstenuar.
Por megjithatë LIBE refuzoi dhënien e mandatit për parlamentin Evropian që kjo çështje të shkojë në Këshillin e Ministrave.
Krejt kjo pështjellim ka ndodhur për shkak se nuk është votuar ratifikimi i demarkacionit nga Parlamenti i Kosovës me 1 shtator
Edhe Ulrike Lunaçek ka folur për votimin në Komitetin e Parlamentit Evropian.
Ajo ka thënë se ky është një lajm i mirë dhe se tani topi është te Prishtina, transmeton zeri.info. “Lajm i mirë. Heqja e vizave.
Tani Prishtina duhet të bëjë punën e saj. Faleminderit Tanja Fajon”, ka shkruar Lunaçek në tëitter, transmeton zeri.info.
Kujtojmë se Komiteti sot kaloi raportin për heqjen e vizave për Kosovën mirëpo të njëjtin nuk e dërgoi në Këshillin e Ministrave. Atë do ta bëjë në momentin që Kosova ratifikon demarkacionin me Malin e Zi.
