Sesioni i ri parlamentar nisi me betimin e deputetes më të re, Dhurata Çupi. Çupi do të jetë përfaqësuese e Dibrës, pasi zëvendëson ish-deputetin demokrat Sherefedin Shehu që la mandatin për të garuar në postin e kryetarit të Bashkisë Dibër.
Deputetët u mblodhen pasditen e sotme, rreth 30 minuta me vonesë nga sa ishte parashikuar.
Nisja e këtij sesioni vjen më herët se vitet e mëparshme, kjo edhe për vetë faktin se nga sesioni i mëparshëm janë trashëguar një serë nismash të rëndësishme që bëjnë të zbatueshme Reformën në Drejtësi.
Në këtë sesion të ri, vëmendja pritet të përqëndrohet edhe tek ekonomia për faktin se Kuvendi do të duhet të shqyrtojë në javët e muajt e ardhshme buxhetin faktik të vitit të mëparshëm si dhe projektbuxhetin e vitit të ardhshëm.
