Pas koncertit në nderim të Nënë Terezës në Vatikan, ish-kryeministri Sali Berisha postoi një foto në FB.
“Pas një koncerti të papërsëritshem, një foto me divat e kombit, që me zërin e tyre magjepsës bënë natën e shenjtërimit të Shën Terezës një natë magjike për Romën dhe botën,” shkruan Berisha në FB.
Ndërkohë e përditshmja më e madhe britanike, Daily Mail, thotë se një nga yjet më të pazakontë të kësaj nate dedikuar Nënë Terezës, ishte Rita Ora.
Gazeta shkruan se 25-vjeçarja performoi “What Child Is This”.
“Papa Françesku duhej të ishte i pranishëm në aktivitet, por nuk u shfaq mes qindra të ftuarve,” shkruan gazeta.
Rita Ora zbuloi gjatë një interviste me Jimmy Fallon se do të marrë pjesë në një koncert ku do jetë edhe Papa.
“Pashë listën e të ftuarve dhe pashë P.A.P.Ë.N…. Papën?!” tha ajo.
“Është një nder i vërtetë dhe nuk e di nëse dikush e ka bërë më përpara këtë në Vatikan, por do jetë fantastike,” tha Rita Ora.
Pasi performoi, Rita tha se ky është një moment që do e kujtojë gjithmonë.
