Nënë Tereza edhe pse ka jetuar jashtë Shqipërisë gjatë gjithë kohës mendonte për popullin e saj.
Në një letër që është zbuluar që daton në vitin 1979, Nënë Tereza (tashmë Shën Tereza e Kalkutës) shpreh dashurinë për popullin e saj shqiptar dhe thotë se lutet çdo ditë për ta. Në atë kohë Nënë Tereza ishte në Oslo dhe dërgonte një letër për popullin shqiptar dhe me këtë letër ajo hedh poshtë edhe spekulimet se nuk dinte të shkruante shqip.
“Unë gjithmonë e kam në zemër popullin tem Shqiptar. Shumë e luti Zotin që Paqja e Tij të vij në zemrat tona, në gjitha familjet tona, në gjith botën. Luti shume për fukarat e mij dhe për mua dhe motrat e mija. Unë lutem për juve. M. Teresa Bojaxhiu”, shkruhet në letrën që mban datën 10/12/79, Oslo.
