David Qosja, autori i vrasjes së efektivit të policisë Ardian Kodra një ditë më parë në Torovicë të Lezhës do të hetohet e gjykohet nga krimet e rënda.
Pak minuta pasi u arrestua nga forcat RENEA ai është sjellë drejt Tiranës ku do të merret në pyetje nga prokurorët e krimeve.
Qosja ka pranuar krimin e kryer por nuk ka dhënë një motiv se përse qëlloi me armë fillimisht duke terrorizuar banorët e Torovicës e më pas duke vrarë efektivin e FNSH.
Referuar kodit penal Qosja është vënën nën akuzë për vrasje të punonjësit të policisë së shtetit, vepër kjo sipas hetuesve kryer me dashje dhe sipas nenit 79/b të kodit penal ai rrezikon burgim minimal 30 vite deri në burgim përjetë.
