Mijëra kurdë të Gjermanisë manifestuan sot në Këln kundër presidentit turk, Recep Tayyip Erdogan, pas një ofensive të filluar kundër milicive kurde në Siri dhe kanë kërkuar lirimin e lirderit të tyre, Abdullah Ocalan.
Në këtë manifestim ishin mbledhur rreth 30 000 persona, një shifër konform me parashikimet e organizatorëve, nga ana tjetër policia e Këlnit nuk ka konfirmuar asnjë shifër.
Ky manifestim që filloi në mëngjes, u zhvillua pa incidente, njoftoi një zëdhënëse e policisë, ndërkohë që forca të konsiderueshme policore ishin mobilizuar kryesisht për të evituar përplasje me nacionalistët turq.
Të pajisur me portretet e liderit kurd, Abdullah Ocalan, manifestuesit kërkonin lirimin e tij, shefi historik i PKK-së (Partia e Punëtorëve të Kurdistanit) që është i burgosur në Turqi që prej vitit 1999
