Nervoz dhe duke kruar kokën. Kështu është shfaqur kryeministri Edi Rama në një takim me banorët e fshatit Zharrëz në Patos.
Shkak për nervozizmin e kreut të qeverisë është bërë një qytetar që ka kërkuar disa herë fjalën duke e ndërprerë Ramën. Po nuk ka munguar as arroganca e kryeministrit, që së fundmi duket se nuk i mbajnë më nervat.
I pakënaqur nga institucionet që e sorollatnin shpesh, banori ka ndërprerë disa herë fjalën e Kryeministrit e nga ana tjetër Rama e ka kthyer bisedën personale.
“Shiko. Më fal, gruan mirë e ke? E di pse po të pyes? Gruaja jote duhej shpallur heroinë që të duron ty. Bëji shumë të fala dhe ta mbash në majë të kokës që të duron ty. Kaq. Sakrificë e madhe!”
