Milot Rashica është në mesin e shtatë futbollistëve që ende nuk kanë marrë leje nga FIFA se kanë të drejtë të luajnë për Kosovën. Andaj, ai dhe të tjerët rrezikojnë të mungojnë në takimin kundër Finlandës, të hënën.
Kosova ende nuk i ka të sigurtë shtatë lojtarët, ndër më të mirët për ndeshjen me Finlandën. Federata e Futbollit e Kosovës, vazhdimisht është duke pritur dritën e gjelbër nga FIFA.
Samir Ujkani, Amir Rrahmani, Alban Meha, Milot Rashica, Herolind Shala, Vedat Muriqi, Valon Berisha ende nuk dihet se a do të luajnë ndaj Finlandës, pavarësisht se janë grumbulluar me Përfaqësuesen, shkruan Gazeta Olle.
FFK pret lajme positive sot, si dhe në ditën e ndeshjes.
