Sipas një raporti nga HackerRank, shërbim i cili administron testet për programuesit nga e gjithë bota, thuhet se Kina është vendi që ‘stërvit’ dhe që ka aktualisht profesionistët më të mirë të programimit.
Në vend të dytë renditet Rusia dhe në të tretin Polonia. Fuqitë tradicionale si Amerika dhe India janë në vendin e 28-të dhe 31-të respektivisht.
HackerRank thotë: “Sipas të dhënave tona, Kina dhe Rusia kanë marrë vlerësimet më të larta si dy vendet me programuesit më të talentuar në botë. Programuesit kinezë janë në avantazh në fushën e matematikës dhe strukturës së të dhënave, ndërsa programuesit rusë janë më të mirët në fushën e algoritmikes e cila është për momentin edhe fusha më sfiduese.”
Kjo nuk është hera e parë që amerikanët munden në programim nga kinezët dhe rusët. Në konkursin e fundit ndërkombëtar për programimin, shkollat kineze dhe ato ruse mundën përfaqësuesit e Harvard dhe MIT.
