Kryeministri Rama ka mirëpritur ditën e sotme një mik special, trajnerin e njohur italian Carlo Ancelotti. Aktualisht trajner i Bayernit të Mynihut, legjenda italiane është mjaft e njohur dhe gëzon popullaritet në të gjithë botën për atë që ka dhënë për futbollin jo vetëm me Milanin në vendlindjen e tij, por edhe me PSG në Francë, Çelsin në Angli, Realin e Madridit në Spanjë dhe së fundmi me kampionët e Gjermanisë.
Kryeministri Rama gjatë fjalës së tij është shprehur se ‘Carlos i them që në Shqipëri është mjaft i njohur. Arsyeja pse sot gjendemi këtu është dashuria që është në zemrën e cdo shqiptari që e ndjek futbollin dhe Ancelotin.
Libri i tij, të cilin e lexova me kënaqësi mbi lidershipin. Do ta flasim për futboll, por jo vetëm, por edhe për menaxhim dhe rolin e udhëheqësit. E vecantë në këtë libër që po e përkthejmë në shqip, flet për një lidership të qetë”tha Rama.
Ndërsa trajneri Anceloti u shpreh se jam i ndehur që ndodhem këtu. ‘Falenderoj Ramën për ftesën, është hera e dytë që vij në Tiranë.
Herën e parë ka qenë si lojtar i Milanit. Kjo është hera e dytë që vij të flas për këtë libër. Nuk ka qenë një punë, por kënaqësi. Ishte një hobi, e kam shkruar me një profesor të Londrës. Nuk do ti mësoj asgjë askujt, por përvoja e bukur dhe eksperienca që vazhdon. Trajneri duhet të ketë aftësi të menaxhojë dhe komunikojë.
Lidershipi është mbi të gjithë, lind nga karakteri i një personi. Dikush që është autoritar nuk mund të ushtrojë një lidership të qetë. Në këtë kuptim nuk kam pasur një lider autoritar, as prindërit, mësuesit, apo trajnerët. Shumë herë më kanë thënë duhet të përdorësh thuprën, por unë kam thënë jo, pasi askush nuk e ka përdorur mbi mua” tha ai.
Më pas biseda është zhvendosur te fillimet, ku Anceloti ka shpjeguar marrëdhënien me Arrgio Sakin.
“Ai më peshkoi. Nga Saki kam mësuar shumë, është një nga shkollat më të mira për trajner dhe pastaj gjërat ndryshuan, pasi me përvojat ndryshon mënyra e të menduarit. Unë mendoj se sistemi i lojës është i rëndësishëm, por më të rëndësishme janë parimet. Më shumë se skema e lojës është altruizmi dhe bindja e lojtarëve. Unë duhet të gjejë idenë si ata të përfshihen në lojë”tha ai.
Pyetjes së si mundet që Shqipëria të mundë Italinë në ndeshjet eliminatore të Rusisë, tekniku i përgjigj se për këtë duhet të pyetet De Biasi.
“Këto gjëra duhet ti zgjidhë Ganni. Hobin që ka pësuar Shqipëria vitet e fundit, distanca është ulur shumë, ka bërë një Europian të mirë. Cdo skuadër ka objektivin e vet, nuk mund të fitojë Kupën e Kampioneve, por të bëjë një lojë të mirë”.
Por cfarë do të behej Carlo, nëse nuk do të ishte bërë futbollist?
Unë kam studiuar elektro teknikë. Fëmijërinë e kam jetuar në fusha dhe më pëlqente shumë. Më eci mirë si futbollit nuk dua ta mendoj cfarë do të bëja nëse nuk do të isha bërë futbollist.
Marrëdhënia me lojtarët për trajnerin italian është çelësi i suksesit. Ndërsa është ndaluar duke folur edhe për yjet që ka stërvitur.
“Nëse një lojtar vjen dhe më thotë se na lodhe, aty mund të thoje që në vend të kësaj bëjmë dicka tjetër, që të arrijmë objektivin. Ronaldo është një profesionist i madh. Është serioz dhe profesional, po ashtu edhe Ibrahimovic, ai është njeriu skuadër”.
Trajneri ka shpjeguar edhe marrëdhënien me presidentët e ekipeve që ka drejtuar duke vlerësuar Berlusconin dhe Perezin.
‘Presidentit i detyrohesh respekt, por në punën tonë nuk është shumë e rëndësishme, pastaj ka presidentë të ndryshëm nga njëri tjetri. Dallimin më të madh e kam vënë re te Berlusconi, i cili që fëmijë ishte tifoz i Milanit dhe u bë president, po ashtu edhe Perez. Mund të fitojmë, barazojmë ose humbasim” tha ai.
Ndërsa tekniku kuqezi, De Biasi gjatë fjaës së tij tha se “Carlo zbret më shumë te marrëdhëniet me lojtarët. Carlos i bëj urimet më të mira për këtë edicion”.
Por si e ka parë Shqipërinë në Kampionatin Europian, Carlo Ancelotti?
“E pashë shumë mirë. Gjëja e bukur ishte Shqipëria, apo Islanda që sollën një entuzizëm të madh, pasi kjo është bukuria e futbollit. Më erdhi keq, pasi nëse do të barazonin ndeshjen e parë do të vazhdonin më tej”tha Anceloti.
Por si është përshtatur Ancelotti me ushqimin, gjuhën dhe traditën e vendeve ku ka jetuar?
Anglezët hanin vezë të skuqura para ndeshjes. Por nuk duhet të fiksohesh pas këtyre gjërave. Anglezët janë ushtarë, italianët janë krijues, aty ku shkoj duhet të njoh kulturën dhe traditën e skuadrës për mënyrën sesi luan. Ndërsa kam mësuar edhe disa gjuhë, por gjermanishtja tani është e pamundur.
