Gjeologët italianë kanë nisur investigimin e vijës çarëse të tokës shkaktuar nga tërmeti 6.2 ballë i 24 gushtit në italinë qëndrore. Grupet e shkencëtarëve nga rajonet e Lazios, Marcheve dhe Umbrias tani janë duke punuar për të mbledhur sa më shumë informacione që të jetë e mundur nga ngjarja, me qëllim shmangien e humbjeve dhe dëmeve të tilla në të ardhmen.
Çarja e madhe e tokës ka ndodhur në 25 kilometra përgjatë zonës që lidh Arquata del Tronton me Castelluccio di Norcia, duke kaluar nga malet apenine, rreth 2500 metra në afërsi të malit Vettore. Gjeologu Marco Menichetti nga Universiteti i Urbinos tha se carja e tokës e cila vjen e hollë vertikalisht dhe horizontalsiht con në zgjerimin e kores së tokës. Pamjet e filmuara me dron tregojnë qartë se këto fraktura, të cilat sipas matjetjeve janë rreth 20 deri në 30 centimetër thellësi. Gjeologët mendojnë se janë pikërisht këto fraktura të tokës që shkaktojnë tërmete.
“Është shumë e rëndësishme të kuptojmë se si funksionojnë këto të cara, sepse ato gjenerojnë termete dhe studimi i tyre mund të na japë informacion të dobishëm mbi atë që ne duhet të bëjmë apo ndërtojmë për të bashkëjetuar me tërmetet pa shkaktuar tragjedi, shprehet Menichetti.
Shumica e vdekjeve si pasojë e tërmetit të javës së kaluar u shkaktuan nga ndërtesat e pasigurta, një cështje e cila ka hapur shumë polemika në Itali dhe ka angazhuar autoritet për gjetjen e përgjegjsve. Ndërkohë ekipet e shpëtimit arriten të gjejnë trupin e gjashtë të pajetë nga rrënojat e hotel roma në amatrice, gjë e cila ka cuar numrin e të vdekurve në 294.
