Qeveria është detyruar të nxjerrë plot 22 milionë euro nga arka e shtetit për të kompensuar pronarët që kanë fituar gjyqet kundër Shqipërisë në Strasburg.
Në mbledhjen e djeshme Këshilli i Ministrave ka urdhëruar shlyerjen e detyrimeve të përcaktuara nga kjo gjykatë për çështjet “Aliçka”, “Karagjozi”, “Rista” dhe “Halimi” kundër Shqipërisë.
Gjykatës Ndërkombëtare e të Drejtave të Njeriut detyron qeverinë të paguajë 10.7 milionë euro për çështjen “Rista kundër Shqipërisë”.
21 ankimuesve të çështjes Karagjozi, do t’u paguhet shuma 5.9 milionë euro.
Çështja tjetër që do peshojë rëndë në arkën e shtetit është “Aliçka kundër Shqipërisë”, 6 paditësit e së cilës, do të ndajnë në total shumën 5.1 milionë euro. 9 anëtarë të familjes Halimi, Kokona dhe Radheshi, do të dëmshpërblehen me 754 mijë euro.
