Së fundmi reperja australiane Iggy Azalea është parë duke kaluar momente të bukura me artistin e muzikës hip-hop, French Montana. Çifti është fotografuar së bashku në një jaht gjatë një fundjave në Meksikë.
Ndërkohë që dyshja ka shijuar fundjavën në plazh, fansat kanë arritur në përfundimin se më në fund Azalea ka hequr dorë nga ish i dashuri i saj Nick Young.
Dyshja ka qenë e shoqëruar nga 4 miq të tjerë dhe Montana ka publikuar disa nga fotot e pushimeve në rrjetin social Instagram. Pavarësisht se në postimet e tij Azalea dhe Montana shfaqeshin vetëm si miq, në një postim që ka tërhequr vëmendjen e fansave ishte Azalea dhe Montana, teksa po flirtonin me njëri-tjetrin.
