Një ngjarje horror është shënuar në Itali, ku protagonist është një 71-vjeçar shqiptar. Mediat italiane shkruajnë se i moshuari shqiptar ka masakruar për vdekje me shkop gruan e tij 67-vjecare.
Ngjarja ka ndodhur në sallonin e banesës ku jetonin të moshuarit dhe gruaja me iniciale B.P. është gjetur e vdekur nga policia në Contrada San Biagio në Caramagna Piemonte, Cuneo, Itali.
Pasi u vra, kufoma e saj u la aty mbuluar në gjak dhe burri u kap 500 metra nga banesa e tij, në sheshin e qytetit, në gjendje të rënduar psikologjike. 71-vjeçari ishte larë në një shatërvan për të eliminuar njollat e gjakut.
Çifti shqiptar jetonte prej kohësh në një ndërtesë në rrugën “Gangaglietti 4”. Në të njëjtën ndërtesë jetonin edhe katër familje të tjera.
Ishin fqinjët, ata të cilët rreth orës 11:30, që lajmëruan policinë sepse nga apartamenti i çiftit shqiptar dëgjoheshin ulërima.
Pranë viktimës ishte ende shkopi me të cilin ajo ishte goditur disa herë. Në vendngjarje, mbërriti dhe autoambulanca, por gruaja kishte vdekur me kohë.
