Një person është vrarë dhe një tjetër është plagosur sot në Prishtinë. Mediat kosovare raportojnë se autori i dyshuar mund të jetë një shtetas i Shqipërisë.
“Gazeta Express” ka mësuar nga burime policore se i dyshuari që vrau Eron Agajn dhe Arianit Gashin është shtetas i Republikës së Shqipërisë dhe ndodhet në kërkim policor.
Policia e Kosovës ka njoftuar se vrasja te Parku i Qytetit në Prishtinë, ka ndodhur si pasojë e gjuajtjes me armë zjarri. Këtë e ka bërë të ditur zëdhënësja e policisë për rajonin Prishtinës, Flora Ahmeti. Burime policore i kanë thënë Express-it se viktimat kanë pasur disa precedentë në Policinë e Kosovës
