Një situatë paniku është krijuar sot në kryeqytet, pasi një person ka qëlluar me armë. Ngjarja ka ndodhur tek rruga e Elbasanit, ku një i ri ka shtënë me armë nga automjeti me të cilin udhëtonte.
Ngjarja ka ndodhur në mes të ditës në një zonë të populluar dhe në një kohë që ka pasur shumë lëvizje. Burime nga policia thonë se personi që ka qëlluar me armë është arrestuar dhe marrë në pyetje.
Ende nuk bëhet i ditur identiteti i tij, por burimet thonë se ai ka qëlluar pa ndonjë arsye. “Qëllova me armë në ajër nga automjeti pa ndonjë arsye”, mësohet të ketë thënë i arrestuari në polici. Personi në fjalë udhëtonte edhe me dy të tjerë në mjet, të cilët do të merren në pyetje.
