Gjatë natës muret e Bashkisë së Tiranës janë shkruar me parulla të shumta ku apeli kryesor i tyre është për të mos e harruar Arditin. Grafitet e shkruara shfaqin thirrjen për të kërkuar drejtësi për të.
Bëhet fjalë për vdekjen në Sharrë të të riut Ardit Gjoklaj. PD akuzon kryebashkiakun Veliaj si përgjegjës për këtë vdekje. Përveç parullave është shpërndarë edhe një deklaratë nga një “Organizatë Politike”.
“Arditi nuk është vetëm një njeri fatkeq. Ai është tanimë emri i përbashkët i mijërave si ai që shfrytëzohen deri në vdekje nga uria e pangopshme e biznesmenëve dhe politikanëve për fitime. Parullat e shkruara edhe në murin e Bashkisë së Tiranës vlejnë për t’u përkujtuar vrasësve sistemorë se Arditët as falin, as harrojnë. Të martën në 17.30 mblidhemi para bashkisë për të dëshmuar revoltën dhe fuqinë tonë të përbashkët”- thuhet në të
