Shërbimi për Çështjet e Brendshme dhe Ankesat në Ministrinë e Brendshme ka shpallur në kërkim një punonjës të policisë në Kolonjë që akuzohet për shpërdorim detyre lidhur me mbjelljen e kanabisit në këtë zonë. Mësohet se Gjykata ka vendosur masën e sigurisë arrest me burg ndaj policit me iniciale E.M., 35 vjec i cili është në kërkim.
Ndërkohë policia e Korcës ka vënë në pranga 2 persona të akuzuar si kultivues të 17550 bimëve kanabis që u sekuestruan pak ditë më parë në Kolonjë.
Në vijim të informacionit të datës 23.08.2016, i cili bën fjalë për gjetjen e 17.550 bimëve të dyshuara si narkotike, të kultivuara në fshatin Qinam-Radovickë, ju sqarojmë se specialistët e Seksionit për Krimet, në Komisariatin e Policisë Kolonjë, bënë kapjen dhe ndalimin e shtetasve:
Jorgo Kristali, 44 vjeç,
Gramoz Bejko, 45 vjeç, të dy banues në Tiranë.
Ndalimi i tyre u bë, në bazë të vendimit nr 341 dhe nr 342, të datës 27.08.2016, të Gjykatës së Rrethit Gjyqësor Korçë, e cila ka caktuar për këta shtetas, masën e sigurisë “Arrest me burg” në mungesë, për veprën penale: “Kultivimi i bimëve narkotike” kryer në bashkëpunim, parashikuar nga neni 284/2 i Kodit Penal.
