Ndarja e një çifti është e vështirë kur kanë fëmijë së bashku. Një rast i tillë vjen nga një familje në Fier, ku çifti është në konflikt dhe pasojat e saj i vuan djali i tyre 6 vjeç. Një video mjaft e dhimbshme ka publikuar Jetaoshqef.al ku nëna e fëmijës ka mbërritur në banesën e bashkëshortit për të marrë fëmijën e saj.
Ky i fundit kundërshton me forcë që të largohet nga i ati, duke thënë që nuk dëshiron të ikë me nënën e tij. E gjithë skena është filmuar nga halla e djalit, ndërsa në video duket qartë presioni që ushtrohet mbi fëmijën për të paktën 17 minuta me radhë.
Në fund të videos duket momenti prekës kur nëna e merr fëmijën me dhunë kundër dëshirës së tij. Me siguri ajo mund të ketë fituar të drejtën e kujdestarisë, por mbi të gjitha kjo e drejtë duhet ndjekur në rrugë humane dhe jo në këtë mënyrë.
Jetaoshqef.al nuk kërkon të ndërhyjë mes çiftit, pasi detajet e këtij konflikti më mirë se të gjithë i dinë ata vetë, por ne vendosëm të publikojmë këtë video për të dënuar presionin që i është bërë fëmijës nga të pranishmit, si dhe bëjmë thirrje që organet kopetente të marrin masa menjëherë për gjendjen psikologjike të vogëlushit.
