Policia ka arrestuar sot një person për trafik të lëndëve narkotike në pikën kufitare të Morinës. I arrestuari është Elton Lika 33 vjeç.
Ai është kapur pasi gjatë kontrollit në automjetin tip “Renault”me targa TR 8348 R, i janë gjetur 7 pako të mbështjella me natriban, të dyshuara me lëndë narkotike kanabis sativa, me peshë rreth 2.5 kg.
Gjithashtu gjatë verifikimit të të dhënave në sistem ka rezultuar se drejtuesi i mjetit ishte person i shpallur në kërkim nga Drejtoria Vendore e Policisë Tiranë për veprën penale “Vjedhje e bankave dhe arkave të kursimit, kryer në bashkëpunim”. Materialet do t’i kalojnë Prokurorisë, për veprime të mëtejshme.
