Joachim Löw mirëpret tre heronj olimpikë në kombëtare. Trajneri i Gjermanisë sot zbuloi listën e skuadrës së Gjermanisë për ndeshjen e lamtumirës së kapitenit Bastian Schweinsteiger. Julian Brandt, Niklas Süle dhe Max Meyer kanë bindur strategun kampion bote me performancat e tyre në “Rio 2016”, ku arritën deri në finale, duke u mposhtur me penallti nga Brazili organizator. “Pancerat” do të luajnë më 31 gusht në Mönchengladbach kundër Finlandës një miqësore për largimin e “Tigrit” nga kombëtarja dhe më 4 shtator do të udhëtojnë në Norvegji për Eliminatoret e Kampionatit Botëror 2018. Schweinsteiger do të luajë vetëm kundër nordikëve, e cila do të jetë ndeshja e 121-të dhe e fundit me fanellën e bardhë. Motoja e miqësores do të jetë “Servus, Basti” (Mirupafshim, Basti).
Gjermania është kampione bote në fuqi dhe do të tentojë të mbrojë titullin në Rusi 19 lojtarë nga skuadra e Kampionatit Evropian bëjnë pjesë në listën prej 24 emrash të Jogit. Mungesat janë të dëmtuarit Jerome Boateng, Mario Gomez dhe Leroy Sane bashkë me sulmuesin i cili gjithashtu ka dhënë dorëheqjen nga kombëtarja, Lukas Podolsi. Lojtari me origjinë polake do ta shtyjë ndeshjen e tij të lamtumirës për shkak dëmtimi. Të dëmtuarit që para “Euro 2016”-s si Ilkay Gündogan, Marco Reus dhe Antonio Rüdiger sërish nuk janë gati për kombëtaren.
Të rinjtë si Mex Meyer, Bernd Leno, Joshua Kimmich, Jonathan Tah dhe Julian Weigl janë rikthyer, ashtu si sulmuesi i ri i Leverkusenit, Kevin Volland. Gjermania u ndal nga Franca në gjysmëfinalen e Evropianit 2016, duke humbur 1-0 Ja skuadra e Gjermanisë për dy ndeshjet e ardhshme:
Portierë: Bernd Leno (Bayer Leverkusen), Manuel Neuer (Bayern München), Marc-Andre ter Stegen (FC Barcelona)
Mbrojtës: Emre Can (FC Liverpool), Jonas Hector (1. FC Köln), Benedikt Höwedes (Schalke 04), Mats Hummels (Borussia Dortmund), Joshua Kimmich (Bayern München), Shkodran Mustafi (FC Valencia), Niklas Süle (1899 Hoffenheim), Jonathan Tah (Bayer Leverkusen)
Mesfushorë: Karim Bellarabi, Julian Brandt (beide Bayer Leverkusen), Julian Draxler (VfL Wolfsburg), Sami Khedira (Juventus Turin), Toni Kroos (Real Madrid), Max Meyer (Schalke 04), Mesut Özil (FC Arsenal), Andre Schürrle (Borussia Dortmund), Bastian Schweinsteiger (Manchester United), Julian Weigl (Borussia Dortmund)
Sulmues: Thomas Müller (Bayern München), Kevin Volland (Bayer Leverkusen) dhe Mario Götze (Borussia Dortmund).
