Redaksia e televizionit Report TV dhe gazetës Shqiptarja.com, në pronësi të italianit Carlo Bollino morën dje një mesazh kërcënues nëpërmjet telefonit, një alarm për bombë.
Por kush ishte personi që dërgonte këtë mesazh nga numri i tij personal dhe shkruante në të edhe emër dhe mbiemër.
Shkëlqim Tarja, personi në foton e siguruar nga Boldnews.al, është edhe personi që ka dërguar këtë sms kërcënuese.
Por duket se Bollino është frikësuar kot, pasi Tarja rezulton një person me probleme të rënda mendore.
Në polici ai ka pranuar autorësinë e mesazhit duke mos dhënë sqarime të mëtejshme, por nga Sms e dërguar dallohet se ai nuk ka qenë as në dijeni të ndarjes së famshme Kokëdhima-Bollino, që çoi në mbylljen e Televizionit A1 Report dhe në krijimin e dy televizoneve të tjera: Report TV dhe A1 News.
Mesazhi i dërgohet redaksisë së Report TV, por duket se Tarja e ka inatin me A1. Mbetet e paqartë nëse e ka pasur për Report TV i cili bleu frekuencat e Albanian Scren apo me A1 News, i cili vijon të ketë të njëjtat frekuenca si A1 Report TV.
