Kreu i qeverisë ka filluar të zhvillojë darka konsultuese me pjestarë të kabinetit të tij të cilët janë edhe ministrat më të rëndësishëm të qeverisë si edhe anëtarë të kryesisë të PS-së.
Mësohet se të dielën dhe të hënën në mbremjë kreu i qeverisë Edi Rama ka zhvilluar darka konsultuese më disa ministra dhe drejtues të lartë socialistë. Por ky ritual i kryeministrit ka disa javë që vazhdon. Ai edhe gjatë pushimeve në Dhërmi ka kryer disa darka konsultuese.
Burime zyrtare i thanë citynews.al se të dielën në darkë kanë qenë Arben Ahmetaj, Ditmir Bushati, Damian Gjiknuri, Mimi Kodheli, Saimir Tahiri, Taulant Balla dhe kreu i grupit parlamentar Gramoz Ruçi. Një darkë ku duket se janë gjysma e kryesisë të partisë socialiste.
Dje në darkën me Ramën kanë qenë të pranishëm zv/kryeministri Niko Peleshi, ministri i Financave Arben Ahmetaj dhe kreu i grupt parlamentar Gramoz Ruçi.
Dje cityneës raportoi se një tjetër darkë pune do zhvillonte kryeministri Rama në kohën kur tensionet me LSI-në vazhdojnë dhe priten ndryshme në kabinetin qeveritar. Por kjo është e disata në rradhë, kur pritet një shtator i tensionuar në parlamënt, Ilir Meta që ende vazhdon lojën e tij të forcës, levizjet e disa deputetëve socialistë, zgjedhjet në Dibër, dhe llogaritë për zgjedhjet e ardhshme janë temat që mendohet se Rama konsulton me “miqtë” e tij. Në fakt të gjithë janë anëtarë të kryesisë të PS-së dhe mendohet se këto darka mund të jenë edhe “mbledhje” jo zyrtare ku përgatiten vendimet për të ardhmen jashtë veshëve të Koço Kokëdhimës i cili së fundi është ftohur me kryeministrin, për më tepër duket i fshehur nën sqetullën e Ilir Metës.
