I armatosur me një çmim mjaft të mirë ai do të jetë një ndër liderët e smartphonëve të sotëm… pothuajse.
Honor 8 ka një ekran 5.2 inch i gjithi në HD, 1080p, një bateri 3,000mAh, një proçesor Kirin 950, RAM 4GB, memorie 64GB si dhe hapësirën për kartën microSD me hapësirë 128GB.
Cilësitë e tjera të telefonit janë porta USB e tipit C, një skaner i gjurmëve të gishtërinjve, dhe kamera 12MP në të dy anët. Telefoni si një ndër më të mirët Android i krahasuar me Huawei P9 dhe OnePlus 3.
Përsa i përket dizajnit ai ka një sipërfaqe të lëmuar, cepa të rrumbullakët dhe është mjaft solid dhe i rehatshëm në dorë. Ka një trashësi prej 7.5mm, dhe ofrohet në ngjyrat: blu, e bardhë dhe safir. Mikrofoni është i pozicionuar në pjesën e sipërme, për të cilën Honor paralajmëron që të mos mbulohet kur të përdoret.
Një cilësi interesante që ofron kompania është ajo që ata e quajnë ‘knuckle gestures.’ Ajo funksionon në mënyrë të tillë që nëse ju për shembull vizatoni një ‘m’ në ekran hapet harta (map), nëse vizatoni një ‘c’, kamera (camera), ‘e ’- interneti apo ‘w’ – moti (weather).
