Kjo fundjavë do të jetë perfekte për plazh, por menjëherë pas saj moti do të ndryshojë.
Sipas sinoptikanëve, mesdita e së hënës do të sjellë vranësira dhe shira fillimisht në veri, dhe më pas edhe në qendër dhe juglindje.
Por nuk do të jenë vetëm reshjet e shiut, edhe temperaturat do të bien me 4 gradë, duke filluar nga e marta. Kështu moti do të jetë i paqëndrueshëm me vranësira dhe shira thuajse deri në fund të Gushtit.
Por sinoptikanët kanë parashikuar situtatë vërtet problematike për Ballkanin. Sipas tyre, të dhënat flasin për stuhi të forta dhe shira me intensitet të lartë, në Kosovë, Maqedoni, Serbi, Bullgari dhe Rumani duke i rrezikuar fqinjet tanë edhe nga përmbytjet.
Maqedonia u përball me përmbytje edhe në 7 Gusht. Shkupi dhe Tetova ishin dy zonat me të prekura ku edhe u regjistruan 21 viktima dhe 70 të plagosur. Përmbytjet shkaktuan edhe dëme materiale të konsiderueshme./ Tv Klan
