Japonia po përgatitet në orët në vijim me kërcënimin e pranisë së dy tajfuneve shoqëruar me erëra të forta dhe reshje të dendura shiu që mund të shkaktojnë rrëshqitje të tokës.
Tajfuni “Kompasu” pritet të përfshijë mbrëmjen e kësaj të diele ishullin Hokkaido (veri) me erëra të forta me shpejtësi deri në 126 kilometra në orë, sipas Agjencisë japoneze të Meteorologjisë.
Stuhia u lokalizua sot në mëngjes rreth orës 09:00 mbi Paqësor rreth 100 kilometra në juglindje të qytetit Kamaishi. Ishulli Hokkaido po përballet tashmë me reshje të dendura shiu duke shkaktuar rritjen e nivelit të lumenjve në atë zonë.
