15 vjeçarja e cila e përdhunua nga babai i saj ka treguar se si ka ndodhur ngjarja.
Edhe pse babai i saj, Guri Përgjegji ka mohuar të ketë përdhunuar vazjën e tij 15 vjeç, duke e akuzuar atë si autore të një skenari në bashkëpunim me njerkën e saj, për ta futur në burg.
Por vajza, E. Përgjegji, insiston se gjithçka është e vërtetë. Ajo ka treguar përpara grupit hetimor se çfarë ndodhi paraditen e të enjtes, rreth orës 11 në pyllin e fshatit.
“Paradite isha me babanë në Peshkopi. Kishim dalë për të blerë ushqime e mallra të tjera për shtëpinë tone. Zakonisht, furgoni ndalon në rrugën që lidh Kastriotin me fshatin tonë. Babai i tha shoferit ta ndalonte mjetin diku tjetër, në një vend ku ne nuk ndalonim asnjëherë. Sapo zbritëm, i thashë babait se na ke ndaluar keq. Ai tha ec se e di unë këtë punë. Sapo u futëm në pyll babai me futi duart në fyt, më rrëzoi përtokë, më hoqi rrobat dhe më përdhunoi. Bërtita sa fuqi kisha, por nuk më dëgjoi njeri”, ka rrëfyer ajo. Sipas babait, ky version është i sajuar. Eksaminimet e tjera mjekësore pritet të hedhin dritë mbi këtë ngjarje tronditëse.
