Detaje të reja kanë dalë nga marrja në pyetje e njerkës së vajzës 15-vjeçare e cila u përdhunua në një pyll në një fshat të Kastriotit të Dibrës nga vetë babai i saj, Guri Përgjegji.
Sipas të dhënave nga grupi hetimor, bëhet e ditur se njerka ka thënë se, Guri ishte kthyer prej tre muajsh në shtëpi, pasi kishte punuar në Greqi, dhe se saherë futej në banesë ai e prekte vajzën në pjesët intime.
Po sipas dëshmisë, Guri Përgjegji e ofendonte në mënyrë të vazhdueshme të bijën duke i thënë se do të bëhej e përdalë.
Gruaja ka thënë se ajo është çuditur nga ky reagim i bashkëshortit, pasi përpara se të shkonte në Greqi nuk kishin ndodhur situate të tilla.
“Burri është kthyer nga Greqia pak kohë më parë, pasi shkoi për të punuar atje. Saherë që futej në shtëpi ai e prekte vajzën në pjesët intime. Nuk kishte ndodhur kurrë më parë. Madje i thoshte se do të bëhej e përdalë” mësohet se ka deklaruar gruaja e Guri Përgjegjit që përdhunoi në një pyll të bijën.
Lidhur me faktin nëse vajza është përdhunuar nga babai i saj, ndonëse ky i fundit e ka mohuar, gruaja është shprehur se, është e sigurt që babai ka qenë ai që e ka përdhunuar vajzën.
Ngjarja e rëndë ndodhi një ditë më parë në Dibër, aty ku babai monstër përdhunoi të bijën 15-vjeçare në një pyll dhe më pas kjo e fundit bëri edhe denoncimin me xhaxhain dhe njerkën e saj në polici.
Përdhunimin e ka faktuar edhe raporti mjeko-ligjor si dhe psikologët që kanë asistuar vajzën.
