Vetëm pak kohë pasi polombarët kanë hyrë në rezervuarin e Qatromës në Korçë janë gjendur trupat e pajetë të dy kushërinjve të mbytyr një natë më parë.
Pas apelit të vazhdueshëm të familjarëve kanë mbërritur në mesditë polombarët e RENEA-s duke gjetur në një thellësi prej 5 metrash trupat brenda rezervuarit.
Apeli i Kujtim Tahirllari, babai i një prej adoleshentëve të zhdukur, me lot në sy bën apel në News24, që shteti të ndërhyjë me polumbarë për gjetjen e djemve të humbur.
“Asnjë polumbar nuk ka ardhur fare. Të kishte humbur nodnjë çupë në treg do kishin ardhur me vrap. Ne na thanë mbrëmë se nuk hyjnë dot polumbarët se është natë. Nesër që në mëngjes me të zbardhur dita polumbarët do jenë këtu. Ne prit ata, prit polumbarët hic. Tani na thonë se polumbarët kanë qenë në Vlorë, ja pritini sa të vijnë”.
I dëshpëruar ai tregon se, policia as nuk lejon t’i afrohen vendit të ngjarjes.
“Policia nuk na le të kërkojmë ne. Kanë bërë një gardh ata dhe nuk na lejojnë të kërkojmë ne.
Nuk është ndonjë sipërfaqe e madhe, 9 dynym vend është kjo kënetë. Tërë fshati ka vendosur të venë në punë motorpompën që të shohim cfarë do gjejmë. Policia tani, të kërkojmë ne nuk na le, të vemë motropompën nuk na le ta vemë në punë, të bëhem kamikaz tani, kaq më mbeti. Djali më dergjet aty. Rrofshin mediat se të presim prej këtyre, asnjë gjë nuk bëjnë. Shyqyr jeni ju që na ndihmoni”.
Mësohet se djemtë janë futur për tu larë në rezervuarin e fshatit Qatrom të Korçës, pasditen e djeshme, por askush nuk i ka parë të dalin prej andej.
Sipas policisë së Korçës, dy të rinjtë janë Berti dhe Rei Tahillari, kushërinj me njëri-tjetrin.
Mësohet se djemtë janë futur për tu larë në rezervuarin e fshatit Qatrom të Korçës, pasditen e djeshme, por askush nuk i ka parë të dalin prej andej.
“Kërkojmë të nisin menjëherë kërkimet”, thonë familjarët e alarmuar.
Rrobat dhe këpucët e dy të rinjve, të lëna pranë vendit të quajtur “Gropa e Danielit”, kanë përforcuar dyshimet se të rinjtë kanë humbur jetën në kënetë.
Policia e Korçës ka nisur menjëherë kërkimet për dy djemtë, ndërsa po ndihmohet edhe nga banorë të zonës, të cilët kanë dalë në kërkim të 17-vjeçarëve.
