Policia e Krujës ka arrestuar një 53-vjeçar si dhe është shpallur në kërkim djali e tij pasi të dy kanë qëlluar me breshëri armësh në derën e banesës së një qytetari.
Sipas policisë në pranga është vënë shtetasi Sabah Brama, ndërsa në kërkim është djali i tij 19-vjeçar, K.Brama.
Nga të shtënat raportohet të ketë vetëm dëme materiale. Në vendin e ngjarjes, para derës së shtetasit P.K, 53 vjeç policia gjeti dhe sekuestroi 9 gëzhoja.
Pas kontrollit në banesën e Bramas, policia gjeti dhe sekuestroi 2 kg kanabis. Të njëjtat burime thonë se Brama është person me precedentë të mëparshëm penalë, ndërsa tani mbi të rëndojnë edhe akuzat “Kanosje’, ‘Armëmbajtje pa leje’ dhe ‘Prodhim dhe kultivim të narkotikëve’.
