Gjithçka e lidhim me kënaqësinë e çastit.
Bota moderne lidhet e gjitha me shpejtësi të lartë dhe efikasitet. Nga interneti me shpejtësi të lartë tek ushqimi i shpejtë…Ne presim që çdo gjë të lëvizë me shpejtësi rrufe dhe kjo nuk është një gjë e mirë për dashurinë. Dashuria është mbi të gjitha një progresion gradual i ndjenjave, që ushqehen me kalimin e kohës.
Jemi shumë të dhënë pas drogës dhe alkoolit
Nuk ka asgjë të keqe të konsumosh një pije me shokët pas një dite të vështirë. Por kur abuzoni kjo shndërrohet në një problem të madh. Për fat të keq edhe në qoftë se ju jeni vetëm një përdorues rastësor i drogës apo alkoolit, kjo dëmton dhe largon dashurinë. Kur ju jeni në gjendje të dehur është e pamundur për të qenë pjesë në botën e vërtetë, për të takuar njerëz të rinj dhe për të gjetur dashurinë.
Seksi rastësor është gjithnjë e më i përhapur
Seksi rastësor mund të jetë një forcë mjaft shkatërruese në jetën tuaj. Duhet të jeni të kujdesshëm për të mos për të humbur veten në të. Ai nuk duhet bërë vetëm për të ndjerë një tronditje të shpejtë ose për të mbushur një boshllëk. Ju mund t’ja dedikoni të gjithë atë energji dhe kohë kërkimit për dikë që do të të përmbushë emocionalisht, mendërisht dhe fizikisht.
Njerëzit janë në dukje më të vetë-fiksuar
Njerëzit sot janë kaq të përfshirë në jetën e tyre dhe dramën e tyre aq sa ata thjesht nuk arrijnë të shohin se çfarë po ndodh rreth tyre. Nëse ju vendosni të gjithë fokusin dhe energjitë tuaja tek vetja dhe në asgjë tjetër, nuk ka vend për dashuri në zemrën tuaj.
Dalin në takime sepse ndihen nën presion
Kemi dëgjuar shumë herë se si njerëzit dalin në takime mediokre me njerëz me të cilët nuk i lidh asgjë. Sepse ata mendojnë se kjo është gjëja e duhur që duhet bërë. Por vetëm për shkak se ju nuk jeni aktualisht e dashuruar me dikë nuk do të thotë që ju duhet të dilni në takim pas takimi. Merrni një pushim, merrni pjesë në aktivitete dhe ngjarje që kanë të bëjnë me pasionet dhe interesat tuaja. Kjo është një mënyrë shumë më e mirë për të takuar njerëz të të njëjtit mendim e nivel me ju.
Refuzojnë të bëjnë kompromise
Shumica e njerëzve kanë një plan fiks për jetën e tyre. Ata kanë një ide në lidhje me atë që ata duan të bëjnë dhe se si ata duan ta bëjnë. Dhe ata nuk duan asgjë të prishë rrugën e këtij plani, sepse e panjohura mund të jetë e frikshme dhe shqetësuese. Për fat të keq dashuria nuk përshtatet gjithmonë me planin tuaj. Ndaj duhet të jeni të gatshëm për të bërë ndryshime, ta ndryshoni pak planin tuaj për dashurinë. Do t’ja vlejë, unë ju premtoj.
Njerëzit kanë ide joreale për atë që është dashuria
Njerëzit shpesh mendojnë për dashurinë e vërtetë si një fantazi të pabesueshme. Ato kanë pritshmëri dhe kërkesa idelae karshi saj. E vërteta është se dashuria është e çrregullt dhe e vështirë ndonjëherë. Sepse kjo është jeta e vërtetë, nuk është një përrallë.
Nuk dinë se si të duan dikë siç duhet
Merr kohë dhe përpjekje dhe shumë përvojë për të mësuar se si të duam një person. Secili partner është i ndryshëm dhe ka nevoja dhe dëshira që kërkojnë një lloj të ndryshëm dashurie. Ndaj duhet mësuar me qetësi dhe përkushtim se si të duam tjetrin.
Burimi: DailyVibes
