Petro Milo, një banor i zonës së Palasës në Himarë tregon të tjera detaje për Jorgo Zanin, monstra që i preu kokën kushëririt të tij 12-vjeçar dy ditë më parë.
Ngjarja e rëndë tronditi opinionin public, ndërsa autori është me problem mendore. Banori Petro Milo, duke folur për News24, tha se para dy muajsh Jorgo Zani ishte shtruar në psikiatri dhe më pas doli përsëri.
Sipas tij, qëndroi 10 ditë i shtruar, por përsëri kishte kriza dhe tregonte agresivitet. Nisur nga ky fakt, tregon Milo, ai dhe banorët e tjerë morën në telefon të atin e tij. Ai shton se babai i Jorgo Zanit shkoi në fshat dhe qëndroi një javë me të birin e më pas u largua përsëri.
Banori Petro Milo tregon edhe një fakt tjetër të rëndë rreth autorit, që sipas tij kërkonte femra në fshat për të kryer marrëdhënie seksuale.
“Donte femra për seks”, thotë Milo.
Për sjelljen e tij problematike, banorët janë ankuar disa herë dhe për këtë gjë Jorgo Zani është shoqëruar në komisariati dhe më pas lihej i lirë. Gjendja përkeqësohej kur mbaronte kura e tij dhe bëhej agresiv.
Nga ana tjetër, drejtori i spitalit psikiatrik ka thënë më herët se Jorgo Zani kurohej si përdorues i lëndëve narkotike dhe jo si person me probleme mendore.
