Sipas një bilanci paraprak, përmbytjet në Luiziana të SHBA shënuan 13 të vdekur, ndërsa rënia e nivelit të ujit mundësoi vlerësimin e saktë të dëmeve të mëdha të shkaktuara nga reshjet e dendura në këtë shtet.
Ekipet e shpëtimit kanë evakuuar tashmë disa dhjetëra mijëra persona, ndërsa niveli i ujit kishte arritur në pikën më të lartë. Gjatw ditës sw sotme po kryhen kontrolle në çdo qendër banimi për identifikimin e viktimave të mundshme në jug të Luizianës, e përfshirë nga përmbytjet prej së premtes së kaluar.
Një zëdhënëse e guvernatorit konfirmoi se bilanci ishte përkeqësuar në 11 të vdekur një ditë më parë, ndërsa mëngjesin e sotëm u shënua në 13 viktima.
