Do të jetë Brazil – Gjermani finalja e futbollit në turneun olimpik Rio 2016. Pikërisht dy vite pas eliminimit të turpshëm të Selecaos nga Pancerat në cerekfinale të Botërorit, përfaqësueses latino-amerikane i jepet në njëfarë munyrëpër t’u hakmarrë në stadiumin Mitik Maracana, por në versionin olimpik.
Selecao shkatërroi me rezultatin e thellë 6-0 Hondurasin, me Neymar që hapi dhe mbylli serinë e golave për skuadrën e tij. Sulmuesi i Barcelonës realizoi pas 15 sekodash lojë, ndërsa Gabigol shënoi dy gola të tjerë në pjesën e parë, në minutat 26 dhe 35.
Në fillimi të pjesës së dytë Marquinhos e coi rezultatin në 4-0, ndërsa në të 79 Luan realizoi të 5-tin. Në kohën shtesë Neymar vulosi shifrat 6-0 me një gotitje të saktë nga pika e bardhë e penalltisë.
Në gjysmëfinalen tjetër të luajtur në San Paolo Gjermania mposhti 2-0 Nigerinë. Formacionit të drejtuar nga Horts Hubrech iu deshën vetëm pak minuta lojë për të gjetur golin. Max Meyer tregon vizion të madh loje teksa pasoi për Klosterman, i cili nuk fali brenda zonës.
Dominimi gjerman vijojë gjatë gjithë ndeshjes, megjithatë goli i sigurisë u shënua vetëm një minutë para përfundimit të kohës së rregullt nga Nils Petersen.
Finalja e madhe e Rio 2016 do të zhvillohet në Maraca më 20 gusht.
